tamam raat hawa chiKHti rahi ban mein
tamām raat havā chīḳhtī rahī ban meñ
tamām raat uḌī ḳhaak dil ke āñgan meñ
hai aql zahr junūñ zahr-e-aql kā tiryāk
ye raaz khul hī gayā ham pe bāvle-pan meñ
ye jugnuoñ kī chitāeñ ye sogvār fazā
sulag uThe haiñ sharāre nazar ke dāman meñ
sahar huī to bagūloñ kā raqs dekheñge
ḳhizāñ ne ham ko bulāyā hai sehn-e-gulshan meñ
maiñ us se bhaag ke jā.ūñ bhī to kahāñ jā.ūñ
chhupā huā hai koī roz-o-shab kī chilman meñ
uThā.ūñ taisha-e-farhād be-sutūñ kāTūñ
ye aarzū to javāñ thī mire laḌakpan meñ
maiñ dil kī aag ko ġhazloñ kā ruup detā huuñ
nahīñ harīf kisī kā maiñ sher ke fan meñ
tamam raat hawa chiKHti rahi ban mein
tamam raat uDi KHak dil ke aangan mein
hai aql zahr junun zahr-e-aql ka tiryak
ye raaz khul hi gaya hum pe bawle-pan mein
ye jugnuon ki chitaen ye sogwar faza
sulag uThe hain sharare nazar ke daman mein
sahar hui to bagulon ka raqs dekhenge
KHizan ne hum ko bulaya hai sehn-e-gulshan mein
main us se bhag ke jaun bhi to kahan jaun
chhupa hua hai koi roz-o-shab ki chilman mein
uThaun taisha-e-farhad be-sutun kaTun
ye aarzu to jawan thi mere laDakpan mein
main dil ki aag ko ghazlon ka rup deta hun
nahin harif kisi ka main sher ke fan mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
