tamam shahr mein hum hath-paon mar aae

tamām shahr meñ ham hāth-pāoñ maar aa.e

sukūn DhūñDne nikle the sogvār aa.e

chaman ke kāñToñ se kar lī hai dil-lagī ham ne

ḳhizāñ chaman meñ rahe chāhe ab bahār aa.e

khaḌī thī raste meñ dīvār-e-muflisī mere

kabhī jo bhūle se lamhāt-e-vasl-e-yār aa.e

nizām tere chaman kā ajiib hai kitnā

jo haq-parast the hisse meñ un ke daar aa.e

tamam shahr mein hum hath-paon mar aae

sukun DhunDne nikle the sogwar aae

chaman ke kanTon se kar li hai dil-lagi hum ne

KHizan chaman mein rahe chahe ab bahaar aae

khaDi thi raste mein diwar-e-muflisi mere

kabhi jo bhule se lamhat-e-wasl-e-yar aae

nizam tere chaman ka ajib hai kitna

jo haq-parast the hisse mein un ke dar aae