tamam shahr ne jhuTa shumar kar liya tha

tamām shahr ne jhūTā shumār kar liyā thā

pa ham ne phir bhī tirā e'tibār kar liyā thā

vo log jo mirī dīvāngī se ḳhā.if the

unhoñ ne bhī to junūñ iḳhtiyār kar liyā thā

vo hijr kāTnā mushkil sahī magar tum ne

zarā sī baat ko sar par savār kar liyā thā

sitam to ye hai kināre pe aa ke Duub ga.e

baḌe sukūn se dariyā to paar kar liyā thā

'nadīm' ham bhī zamāna-shanās ho ga.e the

‘adū-e-jān ko bhī apnā yaar kar liyā thā

tamam shahr ne jhuTa shumar kar liya tha

pa hum ne phir bhi tera e'tibar kar liya tha

wo log jo meri diwangi se KHaif the

unhon ne bhi to junun iKHtiyar kar liya tha

wo hijr kaTna mushkil sahi magar tum ne

zara si baat ko sar par sawar kar liya tha

sitam to ye hai kinare pe aa ke Dub gae

baDe sukun se dariya to par kar liya tha

'nadim' hum bhi zamana-shanas ho gae the

‘adu-e-jaan ko bhi apna yar kar liya tha