tamam umr zaban se yahi to kaam liya

tamām 'umr zabāñ se yahī to kaam liyā

tumhārā naam liyā yā ḳhudā kā naam liyā

mirī zabāñ ne ḳhudāyā ye kis kā naam liyā

jo mujh ko mere tahammul ne baḌh ke thaam liyā

sulā diyā unheñ jaage the jo shab-e-ġham ke

ajal ne apne hī hāthoñ ye nek kaam liyā

jo zarf rakhte haiñ aa’lā vo bāda-kash ham haiñ

kabhī na daur meñ saaqī se uTh ke jaam liyā

nikal chukī thī mire dil se āh-e-ālam-soz

ye kahiye ḳhair huī zabt ne jo thaam liyā

vo kaun hai ye hameñ bhī batāo ai 'rāfat'

ye chupke-chupke abhī jis kā tum ne naam liyā

tamam 'umr zaban se yahi to kaam liya

tumhaara nam liya ya KHuda ka nam liya

meri zaban ne KHudaya ye kis ka nam liya

jo mujh ko mere tahammul ne baDh ke tham liya

sula diya unhen jage the jo shab-e-gham ke

ajal ne apne hi hathon ye nek kaam liya

jo zarf rakhte hain aa’la wo baada-kash hum hain

kabhi na daur mein saqi se uTh ke jam liya

nikal chuki thi mere dil se aah-e-alam-soz

ye kahiye KHair hui zabt ne jo tham liya

wo kaun hai ye hamein bhi batao ai 'rafat'

ye chupke-chupke abhi jis ka tum ne nam liya