tamasha ban gain nazren jahan dekha jidhar dekha

tamāshā ban ga.iiñ nazreñ jahāñ dekhā jidhar dekhā

tire jalvoñ meñ gum ho kar tujhī ko jalva-gar dekhā

bas itnā tuur par jā kar tajallī kā asar dekhā

ki muusā ne ḳhud apne aap ko bhī be-ḳhabar dekhā

sukūñ milnā kujā taḌpā diyā bīmār-e-hijrāñ ko

ajab andāz-e-dil-jūī tirā ai chārāgar dekhā

vo iisā ho ki ho mansūr yā ahl-e-vafā koī

hamesha tere dīvānoñ ko ham ne daar par dekhā

huā hai jab se dil merā giraftār-e-asīr-e-ġham

na naale hī rasā dekhe na aahoñ meñ asar dekhā

na ho kyoñ lā.eq-e-sad-āfrīñ dīvāna-e-hastī

usī jānib chalā hai rāsta jo pur-ḳhatar dekhā

masīhā.ī tumhārī shohra-e-āfāq hai lekin

kisī dard-āshnā dil ko bhī tum ne jhāñk kar dekhā

tamasha ban gain nazren jahan dekha jidhar dekha

tere jalwon mein gum ho kar tujhi ko jalwa-gar dekha

bas itna tur par ja kar tajalli ka asar dekha

ki musa ne KHud apne aap ko bhi be-KHabar dekha

sukun milna kuja taDpa diya bimar-e-hijran ko

ajab andaz-e-dil-jui tera ai chaaragar dekha

wo isa ho ki ho mansur ya ahl-e-wafa koi

hamesha tere diwanon ko hum ne dar par dekha

hua hai jab se dil mera giraftar-e-asir-e-gham

na nale hi rasa dekhe na aahon mein asar dekha

na ho kyon laeq-e-sad-afrin diwana-e-hasti

usi jaanib chala hai rasta jo pur-KHatar dekha

masihai tumhaari shohra-e-afaq hai lekin

kisi dard-ashna dil ko bhi tum ne jhank kar dekha