tamasha KHud ko jo hum su-e-dar karte hain

tamāshā ḳhud ko jo ham sū-e-dār karte haiñ

jo shādmāñ haiñ unheñ sogvār karte haiñ

vo ham ko chhoḌ gayā hai parind kī mānind

daraḳht ban ke so ham intizār karte haiñ

bhulā sake nahīñ ham tujh ko ek bhī lamha

magar bhulāne kī koshish hazār karte haiñ

kabhī ye sochā hai tū ne ki ham se dīvāne

kisī ke ishq meñ kyoñ jāñ-nisār karte haiñ

yaqīn kiije na kiije ye aap kī marzī

mire charāġh havā kā shikār karte haiñ

jo pūchhte haiñ ki karte haiñ kitnā pyaar un se

shumār kaise ho jab be-shumār karte haiñ

vo 'faiz' karte haiñ va.ada har ek hī jhūTā

ḳhatā hamārī jo ham e.atibār karte haiñ

tamasha KHud ko jo hum su-e-dar karte hain

jo shadman hain unhen sogwar karte hain

wo hum ko chhoD gaya hai parind ki manind

daraKHt ban ke so hum intizar karte hain

bhula sake nahin hum tujh ko ek bhi lamha

magar bhulane ki koshish hazar karte hain

kabhi ye socha hai tu ne ki hum se diwane

kisi ke ishq mein kyon jaan-nisar karte hain

yaqin kije na kije ye aap ki marzi

mere charagh hawa ka shikar karte hain

jo puchhte hain ki karte hain kitna pyar un se

shumar kaise ho jab be-shumar karte hain

wo 'faiz' karte hain wada har ek hi jhuTa

KHata hamari jo hum eatibar karte hain