tamannaon mein uljhe rah gae hain

tamannāoñ meñ uljhe rah ga.e haiñ

hamāre bachche būḌhe rah ga.e haiñ

vo āñkheñ kitnā aage jā chukī haiñ

samundar kitnā pīchhe rah ga.e haiñ

abhī tanhā vo guzrī hai yahāñ se

hazāroñ dil dhaḌakte rah ga.e haiñ

jinheñ bāñhoñ meñ bhar kar so rahī ho

bahut achchhe vo takiye rah ga.e haiñ

ba-zāhir ik nayā-pan aa chukā hai

magar ye dil purāne rah ga.e haiñ

ye kis ne ḳhvāb se aa kar jagāyā

ham us ko chhūte chhūte rah ga.e haiñ

kisī ko baaġh hāsil ho chuke haiñ

kahīñ añgūr khaTTe rah ga.e haiñ

tamannaon mein uljhe rah gae hain

hamare bachche buDhe rah gae hain

wo aankhen kitna aage ja chuki hain

samundar kitna pichhe rah gae hain

abhi tanha wo guzri hai yahan se

hazaron dil dhaDakte rah gae hain

jinhen banhon mein bhar kar so rahi ho

bahut achchhe wo takiye rah gae hain

ba-zahir ek naya-pan aa chuka hai

magar ye dil purane rah gae hain

ye kis ne KHwab se aa kar jagaya

hum us ko chhute chhute rah gae hain

kisi ko bagh hasil ho chuke hain

kahin angur khaTTe rah gae hain