tamkin hai aur husn-e-gareban hai aur hum

tamkīñ hai aur husn-e-garebāñ hai aur ham

ḳhuddāriyoñ kā ḳhvāb-e-pareshāñ hai aur ham

sāhil se duur ġharq huī kashtī-e-umīd

maujoñ ko chheḌtā huā tūfāñ hai aur ham

kis ne harīm-e-nāz kā parda ulaT diyā

nazroñ meñ ek sho'la-e-larzāñ hai aur ham

terī tajalliyāñ haiñ jahāñ tak nazar ga.ī

asrār-e-kā.enāt kā 'irfāñ hai aur ham

bālīñ se kaun mahv-e-tabassum guzar gayā

ab har nazar bahār-e-bad-amāñ hai aur ham

vāraftagī-e-ishq ne pahuñchā diyā kahāñ

ḳhāmosh ik fazā-e-bayābāñ hai aur ham

ai 'dil' ye sun rahe haiñ ki duniyā badal ga.ī

ab tak unhīñ hadoñ meñ bayābāñ hai aur ham

tamkin hai aur husn-e-gareban hai aur hum

KHuddariyon ka KHwab-e-pareshan hai aur hum

sahil se dur gharq hui kashti-e-umid

maujon ko chheDta hua tufan hai aur hum

kis ne harim-e-naz ka parda ulaT diya

nazron mein ek sho'la-e-larzan hai aur hum

teri tajalliyan hain jahan tak nazar gai

asrar-e-kaenat ka 'irfan hai aur hum

baalin se kaun mahw-e-tabassum guzar gaya

ab har nazar bahaar-e-bad-aman hai aur hum

waraftagi-e-ishq ne pahuncha diya kahan

KHamosh ek faza-e-bayaban hai aur hum

ai 'dil' ye sun rahe hain ki duniya badal gai

ab tak unhin hadon mein bayaban hai aur hum