tan se juda hai sans magar eatibar hai

tan se judā hai saañs magar e.atibār hai

be-vaqt ho chukā huuñ magar intizār hai

jazbāt ke hubāb se kis ko farār hai

jo dā.era kaTā hai vo aadhā hisār hai

muddat se be-libās mirī zindagī kā raaz

ab tak mire vajūd pe kis kā nikhār hai

azmat ne kar diyā hai use kis qadar buland

vo saañs bhī jo le to lage kārobār hai

phūloñ ko raas aa gayā banjar havā kā saath

kahte haiñ muskurā ke ye ahd-e-bahār hai

honā to merā jabr thā lekin 'amar' abhī

jab tak maiñ jī rahā huuñ mujhe iḳhtiyār hai

tan se juda hai sans magar eatibar hai

be-waqt ho chuka hun magar intizar hai

jazbaat ke hubab se kis ko farar hai

jo daera kaTa hai wo aadha hisar hai

muddat se be-libas meri zindagi ka raaz

ab tak mere wajud pe kis ka nikhaar hai

azmat ne kar diya hai use kis qadar buland

wo sans bhi jo le to lage karobar hai

phulon ko ras aa gaya banjar hawa ka sath

kahte hain muskura ke ye ahd-e-bahaar hai

hona to mera jabr tha lekin 'amar' abhi

jab tak main ji raha hun mujhe iKHtiyar hai