tang aa gae hain ishq mein ab zindagi se hum

tañg aa ga.e haiñ ishq meñ ab zindagī se ham

aa.e qazā to nazr kareñ jaañ ḳhushī se ham

un kī ḳhushī se baḌh ke hameñ kuchh nahīñ aziiz

dil maal kyā hai jaan bhī de deñ ḳhushī se ham

pūchhā thā maiñ ne ġhair ne kyā aap se kahā

bole kisī kī baat kaheñ kyuuñ kisī se ham

ruḳhsat kī tujh se maut ne mohlat hameñ na dī

band aañkh kar ke nikle haiñ terī galī se ham

pursān-e-hāl kaun ho badle hue haiñ bhes

baiThe haiñ un kī bazm haiñ ik ajnabī se ham

pūchho na ham se ziist kā lutf aa gayā hameñ

jis din se rū-shanās hue be-ḳhudī se ham

ham bhī haiñ apnī vaz.a ke duniyā meñ ek sī

mumkin nahīñ milāp kareñ mudda.ī se ham

'shād' is tarah se aaj kiyā us ne mujh ko 'shād'

dekho to phuul ban ga.e khil kar kalī se ham

tang aa gae hain ishq mein ab zindagi se hum

aae qaza to nazr karen jaan KHushi se hum

un ki KHushi se baDh ke hamein kuchh nahin aziz

dil mal kya hai jaan bhi de den KHushi se hum

puchha tha main ne ghair ne kya aap se kaha

bole kisi ki baat kahen kyun kisi se hum

ruKHsat ki tujh se maut ne mohlat hamein na di

band aankh kar ke nikle hain teri gali se hum

pursan-e-haal kaun ho badle hue hain bhes

baiThe hain un ki bazm hain ek ajnabi se hum

puchho na hum se zist ka lutf aa gaya hamein

jis din se ru-shanas hue be-KHudi se hum

hum bhi hain apni waza ke duniya mein ek si

mumkin nahin milap karen muddai se hum

'shad' is tarah se aaj kiya us ne mujh ko 'shad'

dekho to phul ban gae khil kar kali se hum