tang-nazri mein har ek dana ki danai gai

tang-nazrī meñ har ik daanā kī dānā.ī ga.ī

hādsoñ ke shahr meñ āñkhoñ kī bīnā.ī ga.ī

phuul kī ḳhushbū ga.ī shāḳhoñ kī añgḌā.ī ga.ī

bāġhbāñ aise mile gulshan kī rā'nā.ī ga.ī

sīm-o-zar kī kokh meñ palte rahe fitne fasād

muflisī har daur meñ suulī pe laTkā.ī ga.ī

chhoTī chhoTī baat pe hone lagīñ ḳhūñ-reziyāñ

hilm banda-parvarī shān-e-shakebā.ī ga.ī

merī sachchā.ī pe 'ādil ko na aa.egā yaqīn

is 'adālat meñ bahut jhūTī qasam khaa.ī ga.ī

jab nazar badlī to dil bhī ho gayā kotāh-bīñ

dard kī vus'at ga.ī zaḳhmoñ kī gahrā.ī ga.ī

jaag uThe insān kā soyā huā shāyad zamīr

sub.h-e-nau is aarzū meñ baar baar aa.ī ga.ī

qaum-o-millat ke liye 'irfān' kyā karte jihād

zar zamīñ ke vāste saarī tavānā.ī ga.ī

tang-nazri mein har ek dana ki danai gai

hadson ke shahr mein aankhon ki binai gai

phul ki KHushbu gai shaKHon ki angDai gai

baghban aise mile gulshan ki ra'nai gai

sim-o-zar ki kokh mein palte rahe fitne fasad

muflisi har daur mein suli pe laTkai gai

chhoTi chhoTi baat pe hone lagin KHun-reziyan

hilm banda-parwari shan-e-shakebai gai

meri sachchai pe 'adil ko na aaega yaqin

is 'adalat mein bahut jhuTi qasam khai gai

jab nazar badli to dil bhi ho gaya kotah-bin

dard ki wus'at gai zaKHmon ki gahrai gai

jag uThe insan ka soya hua shayad zamir

subh-e-nau is aarzu mein bar bar aai gai

qaum-o-millat ke liye 'irfan' kya karte jihad

zar zamin ke waste sari tawanai gai