tanha kis tarah jiya jae ye ab sochte hain

tanhā kis tarah jiyā jaa.e ye ab sochte haiñ

shahr meñ kis se milā jaa.e ye ab sochte haiñ

jaanī pahchānī sabhī sūrateñ ḳhāmosh huiiñ

hāl-e-dil kis se kahā jaa.e ye ab sochte haiñ

koī maqsad na koī raah na koī manzil

is tarah kaise jiyā jaa.e ye ab sochte haiñ

shahr meñ koī bhī hangāma nahīñ ab ke baras

koī ilzām liyā jaa.e ye ab sochte haiñ

ek chaurāhe pe ḳhāmosh khaḌe haiñ 'rahmat'

kaun sī samt chalā jaa.e ye ab sochte haiñ

tanha kis tarah jiya jae ye ab sochte hain

shahr mein kis se mila jae ye ab sochte hain

jaani pahchani sabhi suraten KHamosh huin

haal-e-dil kis se kaha jae ye ab sochte hain

koi maqsad na koi rah na koi manzil

is tarah kaise jiya jae ye ab sochte hain

shahr mein koi bhi hangama nahin ab ke baras

koi ilzam liya jae ye ab sochte hain

ek chaurahe pe KHamosh khaDe hain 'rahmat'

kaun si samt chala jae ye ab sochte hain