tanhai ne phir bazm saja li hai to kya hai

tanhā.ī ne phir bazm sajā lī hai to kyā hai

chup ne jo kahīñ aag jalālī hai to kyā hai

lo ḳhaak nashīnān-e-bayābān chale phir

manzil ne mirī pyaas bujhā lī hai to kyā hai

shāyad rag-e-jāñ toḌ ke niklī hai tamannā

ḳhvāboñ ne koī bazm sajā lī hai to kyā hai

phir aks bujhā jaatā hai sūraj kī ziyā se

ā.īne se vo dhuul uThā lī hai to kyā hai

maiñ bhuul bhulayyoñ meñ kahīñ ghuum rahī huuñ

dil ne koī dīvār girā lī hai to kyā hai

minnat-kash-e-ehsās kahāñ chain milegā

minnat mirī sadiyoñ ne baḌhā lī hai to kyā hai

mehñdī kā koī rañg zarā din nahīñ Thahrā

muTThī meñ vahī ḳhaak sajā lī hai to kyā hai

mujh meñ hī mirī ruuh bhaTaktī hai to kab se

āvārgī-e-shām sambhālī hai to kyā hai

tanhai ne phir bazm saja li hai to kya hai

chup ne jo kahin aag jalali hai to kya hai

lo KHak nashinan-e-bayaban chale phir

manzil ne meri pyas bujha li hai to kya hai

shayad rag-e-jaan toD ke nikli hai tamanna

KHwabon ne koi bazm saja li hai to kya hai

phir aks bujha jata hai suraj ki ziya se

aaine se wo dhul uTha li hai to kya hai

main bhul bhulayyon mein kahin ghum rahi hun

dil ne koi diwar gira li hai to kya hai

minnat-kash-e-ehsas kahan chain milega

minnat meri sadiyon ne baDha li hai to kya hai

mehndi ka koi rang zara din nahin Thahra

muTThi mein wahi KHak saja li hai to kya hai

mujh mein hi meri ruh bhaTakti hai to kab se

aawargi-e-sham sambhaali hai to kya hai