tanhai se sahra se na dariya ke bhanwar se

tanhā.ī se sahrā se na dariyā ke bhañvar se

vahshat mujhe hotī hai mire apne hī ghar se

chunñā hai mujhe dil bhī abhī qarya-ba-qarya

āñkheñ bhī uThānī haiñ tirī rāhguzar se

ik nazar-e-karam ke liye kaun umr guzāre

ik bosa-e-lab ke liye kab tak koī tarse

mat apnī karīmī ke sunā.e mujhe qisse

vo abr-e-karam hai to mire dasht pe barse

jis shaḳhs pe ehsān abhī maiñ ne kiyā hai

mahfūz ḳhudā rakkhe usī shaḳhs ke shar se

kaTne na diyā sahn se is vāste 'tāsīr'

ḳhushbu-e-vafā aatī hai is būḌhe shajar se

tanhai se sahra se na dariya ke bhanwar se

wahshat mujhe hoti hai mere apne hi ghar se

chunna hai mujhe dil bhi abhi qarya-ba-qarya

aankhen bhi uThani hain teri rahguzar se

ek nazar-e-karam ke liye kaun umr guzare

ek bosa-e-lab ke liye kab tak koi tarse

mat apni karimi ke sunae mujhe qisse

wo abr-e-karam hai to mere dasht pe barse

jis shaKHs pe ehsan abhi main ne kiya hai

mahfuz KHuda rakkhe usi shaKHs ke shar se

kaTne na diya sahn se is waste 'tasir'

KHushbu-e-wafa aati hai is buDhe shajar se