tanz ki tegh mujhi par sabhi khinche honge
tanz kī teġh mujhī par sabhī khīñche hoñge
aap jab aur mire aur nagīche hoñge
aa.ina pūchhegā jab raat kahāñ the sāhab
apnī bāñhoñ meñ vo apne hī ko bhīñche hoñge
jis taraf chāhiyegā aap chale jā.iyegā
sāmne chāñd ke ham āñkhoñ ko mīche hoñge
aaj phir guzreñge qātil kī galī se ham log
aaj phir band makānoñ ke darīche hoñge
jis kī har shāḳh pe rādhā.eñ machaltī hoñgī
dekhnā kirshn usī peḌ ke nīche hoñge
ik makāñ aur bhī hai shīsh-mahal ke logo
jis meñ dahlīz na āñgan na darīche hoñge
terā dam hai to bahāroñ ko sukūñ hai 'bekal'
phir tire ba.ad kahāñ baaġh baġhīche hoñge
tanz ki tegh mujhi par sabhi khinche honge
aap jab aur mere aur nagiche honge
aaina puchhega jab raat kahan the sahab
apni banhon mein wo apne hi ko bhinche honge
jis taraf chahiyega aap chale jaiyega
samne chand ke hum aankhon ko miche honge
aaj phir guzrenge qatil ki gali se hum log
aaj phir band makanon ke dariche honge
jis ki har shaKH pe radhaen machalti hongi
dekhna kirshn usi peD ke niche honge
ek makan aur bhi hai shish-mahal ke logo
jis mein dahliz na aangan na dariche honge
tera dam hai to bahaaron ko sukun hai 'bekal'
phir tere baad kahan bagh baghiche honge
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
