taqdir ke likhe se siwa ban gae hain hum

taqdīr ke likhe se sivā ban ga.e haiñ ham

banda na ban sake to ḳhudā ban ga.e haiñ ham

marnā bhī ab muhāl hai jiinā bhī ab muhāl

apne kiye kī aap sazā ban ga.e haiñ ham

majbūr-e-jabr-e-ishq haiñ muḳhtā-e-zabt-e-ġham

tum hī zarā batāo ki kyā ban ga.e haiñ ham

hai ab bhī iltifāt kā tālib dil-e-hazīñ

taslīm ki rāzī-ba-razā ban ga.e haiñ ham

ġhum-gashtagān-e-dasht-e-mohabbat huuñ mustafīd

rāh-e-talab meñ sham-e-vafā ban ga.e haiñ ham

ab to ḳhushī hai haath meñ ġham hai na marg o ziist

al-muḳhtasar ki terī razā ban ga.e haiñ ham

tark-e-talab ke faiz se dil ab hai mutma.in

apnī sazā kī aap jazā ban ga.e haiñ ham

taqdir ke likhe se siwa ban gae hain hum

banda na ban sake to KHuda ban gae hain hum

marna bhi ab muhaal hai jina bhi ab muhaal

apne kiye ki aap saza ban gae hain hum

majbur-e-jabr-e-ishq hain muKHta-e-zabt-e-gham

tum hi zara batao ki kya ban gae hain hum

hai ab bhi iltifat ka talib dil-e-hazin

taslim ki raazi-ba-raza ban gae hain hum

ghum-gashtagan-e-dasht-e-mohabbat hun mustafid

rah-e-talab mein sham-e-wafa ban gae hain hum

ab to KHushi hai hath mein gham hai na marg o zist

al-muKHtasar ki teri raza ban gae hain hum

tark-e-talab ke faiz se dil ab hai mutmain

apni saza ki aap jaza ban gae hain hum