taraddud mein hain sab kabon ka but-KHanon ka kya hoga

taraddud meñ haiñ sab ka.aboñ kā but-ḳhānoñ kā kyā hogā

mujhe ye fikr hai gumrāh insānoñ kā kyā hogā

bahār aate hī pahlī baat ye kahte haiñ dīvāne

chaman ārāsta hai haa.e vīrānoñ kā kyā hogā

haqīqat phir haqīqat hai samajh lo soch lo tum bhī

zabāñ kholeñge ham jis vaqt afsānoñ kā kyā hogā

ġharīboñ ko jagah miltī nahīñ hai sar chhupāne ko

yahī aalam rahā kuchh din to aivānoñ kā kyā hogā

bhalā ye ābrū-e-jām-o-mīnā rah bhī saktī hai

agar mai-ḳhvār uTh jaa.eñ to mai-ḳhānoñ kā kyā hogā

hamāre dam se tūfānoñ kā zor-o-shor qaa.em hai

hamāre Dūbne ke ba.ad tūfānoñ kā kyā hogā

asīroñ kī rihā.ī se koī ḳhatra nahīñ lekin

nigahbānoñ ko ye Dar hai ki zindānoñ kā kyā hogā

ye tabdīlī nizām-e-maikada par zulm hai saaqī

tū āñkhoñ se pilā degā to paimānoñ kā kyā hogā

bujhā kar sham.a ḳhud hī dekh lo 'ashraf' se mat pūchho

bujhegī sham-e-mahfil jab to parvānoñ kā kyā hogā

taraddud mein hain sab kabon ka but-KHanon ka kya hoga

mujhe ye fikr hai gumrah insanon ka kya hoga

bahaar aate hi pahli baat ye kahte hain diwane

chaman aarasta hai hae viranon ka kya hoga

haqiqat phir haqiqat hai samajh lo soch lo tum bhi

zaban kholenge hum jis waqt afsanon ka kya hoga

gharibon ko jagah milti nahin hai sar chhupane ko

yahi aalam raha kuchh din to aiwanon ka kya hoga

bhala ye aabru-e-jam-o-mina rah bhi sakti hai

agar mai-KHwar uTh jaen to mai-KHanon ka kya hoga

hamare dam se tufanon ka zor-o-shor qaem hai

hamare Dubne ke baad tufanon ka kya hoga

asiron ki rihai se koi KHatra nahin lekin

nigahbanon ko ye Dar hai ki zindanon ka kya hoga

ye tabdili nizam-e-maikada par zulm hai saqi

tu aankhon se pila dega to paimanon ka kya hoga

bujha kar shama KHud hi dekh lo 'ashraf' se mat puchho

bujhegi sham-e-mahfil jab to parwanon ka kya hoga