tariq-e-kohna pe ab nazm-e-gulistan na rahe

tarīq-e-kohna pe ab nazm-e-gulistāñ na rahe

mirī bahār ko andesha-e-ḳhizāñ na rahe

ye aarzū hai badal jaa.e rasm-e-shahr-e-vafā

udaas husn na ho ishq sar-garāñ na rahe

payām-e-vasl se dil baaġh baaġh ho jaa.eñ

laboñ pe shikva-e-be-mehrī-e-butāñ na rahe

tulū-e-mehr baḌe tuzk-o-ehtishām se ho

ufuq siyāhī-e-shab se dhuāñ dhuāñ na rahe

samā.atoñ pe musalsal ho naġhmagī kā nuzūl

nazar meñ zisht-manāzir kā kārvāñ na rahe

masarratoñ ke pharere jahāñ meñ lahrā.eñ

ġham-o-alam ke liye gosha-e-amāñ na rahe

ba-rū-e-adl sabhī apnā apnā hissa leñ

aur ehtimāl-e-ġhalat baḳhshī-e-muġhāñ na rahe

tariq-e-kohna pe ab nazm-e-gulistan na rahe

meri bahaar ko andesha-e-KHizan na rahe

ye aarzu hai badal jae rasm-e-shahr-e-wafa

udas husn na ho ishq sar-garan na rahe

payam-e-wasl se dil bagh bagh ho jaen

labon pe shikwa-e-be-mehri-e-butan na rahe

tulu-e-mehr baDe tuzk-o-ehtisham se ho

ufuq siyahi-e-shab se dhuan dhuan na rahe

samaaton pe musalsal ho naghmagi ka nuzul

nazar mein zisht-manazir ka karwan na rahe

masarraton ke pharere jahan mein lahraen

gham-o-alam ke liye gosha-e-aman na rahe

ba-ru-e-adl sabhi apna apna hissa len

aur ehtimal-e-ghalat baKHshi-e-mughan na rahe