tark-e-ulfat mein hai aaram bahut

tark-e-ulfat meñ hai ārām bahut

gul-ruḳho ho chuke badnām bahut

ham hī nādān the jur.at na huī

koī aayā to lab-e-bām bahut

ho muqaddar to qadam chūmegī

samt-e-manzil to haiñ do-gām bahut

TimTimāte haiñ ga.ī raat diye

jagmagāte the sar-e-shām bahut

bhuul jaatā huuñ maiñ ḳhud ko aksar

yaad aate haiñ ka.ī naam bahut

dīda-var farq samajh leñ shāyad

yuuñ 'muazzam' ke haiñ hamnām bahut

tark-e-ulfat mein hai aaram bahut

gul-ruKHo ho chuke badnam bahut

hum hi nadan the jurat na hui

koi aaya to lab-e-baam bahut

ho muqaddar to qadam chumegi

samt-e-manzil to hain do-gam bahut

TimTimate hain gai raat diye

jagmagate the sar-e-sham bahut

bhul jata hun main KHud ko aksar

yaad aate hain kai nam bahut

dida-war farq samajh len shayad

yun 'muazzam' ke hain hamnam bahut