tark jis din se kiya humne shakebai ka

tark jis din se kiyā ham ne shakebā.ī kā

jā-ba-jā shahr meñ charchā huā rusvā.ī kā

ġhair dāġh-e-dil-e-sad-chāk na monis na rafīq

zor aalam pe hai aalam mirī tanhā.ī kā

pahroñ hī apne ta.iiñ aap huuñ bhūlā rahtā

dhyān aatā hai jab apne mujhe harjā.ī kā

zalzala gor meñ majnūñ kī paḌā rahtā hai

apnā ye shor hai ab bādiya-paimā.ī kā

jalva us kā hai har ik ghar meñ basān-e-ḳhurshīd

farq hai apnī faqat aah ye bīnā.ī kā

kalma-e-haq bhī dam-e-naz.a na niklā muñh se

shaiḳh ko dhyān thā aisā but-e-tarsā.ī kā

kashish-e-nāla use kahte haiñ ab vo jo 'surūr'

mahv-e-nazzāra huā apne tamāshā.ī kā

tark jis din se kiya hum ne shakebai ka

ja-ba-ja shahr mein charcha hua ruswai ka

ghair dagh-e-dil-e-sad-chaak na monis na rafiq

zor aalam pe hai aalam meri tanhai ka

pahron hi apne tain aap hun bhula rahta

dhyan aata hai jab apne mujhe harjai ka

zalzala gor mein majnun ki paDa rahta hai

apna ye shor hai ab baadiya-paimai ka

jalwa us ka hai har ek ghar mein basan-e-KHurshid

farq hai apni faqat aah ye binai ka

kalma-e-haq bhi dam-e-naza na nikla munh se

shaiKH ko dhyan tha aisa but-e-tarsai ka

kashish-e-nala use kahte hain ab wo jo 'surur'

mahw-e-nazzara hua apne tamashai ka