tarshe hue gulab ke paikar ko kya likhun

tarshe hue gulāb ke paikar ko kyā likhūñ

kāñTe mujhe batā.eñ gul-e-tar ko kyā likhūñ

hariyāliyoñ kī fasl hai mahrūmiyoñ ke din

sabza huī zamīn to banjar ko kyā likhūñ

hoñToñ kī narmiyoñ pe vo lahje kī saḳhtiyāñ

likhkhūñ use gulāb to patthar ko kyā likhūñ

jab muñh ke bol siine meñ nashtar chubho ga.e

maiñ sochtā huuñ haath ke ḳhanjar ko kyā likhūñ

saaya kahāñ se aa.e ki dīvār bhī nahīñ

āvārgī ke 'ahd meñ be-ghar ko kyā likhūñ

chhoTe baḌe kā farq zarūrī sahī magar

ik buuñd hī bahut hai samundar ko kyā likhūñ

jab niiñd aa.ī haath ko takiya banā liyā

maiñ aise bādshāh ke bistar ko kyā likhūñ

tarshe hue gulab ke paikar ko kya likhun

kanTe mujhe bataen gul-e-tar ko kya likhun

hariyaliyon ki fasl hai mahrumiyon ke din

sabza hui zamin to banjar ko kya likhun

honTon ki narmiyon pe wo lahje ki saKHtiyan

likhkhun use gulab to patthar ko kya likhun

jab munh ke bol sine mein nashtar chubho gae

main sochta hun hath ke KHanjar ko kya likhun

saya kahan se aae ki diwar bhi nahin

aawargi ke 'ahd mein be-ghar ko kya likhun

chhoTe baDe ka farq zaruri sahi magar

ek bund hi bahut hai samundar ko kya likhun

jab nind aai hath ko takiya bana liya

main aise baadshah ke bistar ko kya likhun