tarz-e-suKHan mein aap ke ho inkisar bhi

tarz-e-suḳhan meñ aap ke ho inkisār bhī

rakhiye magar nigāh meñ apnā vaqār bhī

hai irtibāt meñ bhī takalluf kī ik jhalak

ye kyā ki ġhairiyat bhī hai aur ham se pyaar bhī

tere sabab ḳhizāñ kā thā mausam bhī ḳhush-gavār

be-lutf tere bin hai ye fasl-e-bahār bhī

vo jis kī yaad bā'is-e-taskīn-e-qalb hai

us ne hī mujh ko baḳhshā hai ik intishār bhī

aise bhī daur aa.e ta'alluq kī raah meñ

rasm-e-ta'alluqāt meñ khīñche hisār bhī

vā'da na aap karte agar iltifāt kā

hargiz hamāre dil ko na aatā qarār bhī

ik din havā-e-vaqt kā badlegā ḳhud mizāj

ummīd rakh chhuTegā ye ġham kā ġhubār bhī

daur-e-jadīd par bhī ho she'roñ meñ tabsira

fikr-e-suḳhan meñ lā.iye ab kuchh nikhār bhī

'ġhālib' kā rang aap ke she'roñ se ho 'ayāñ

ġhazloñ meñ rakhiye 'mīr' kā 'shāriq' shi'ār bhī

tarz-e-suKHan mein aap ke ho inkisar bhi

rakhiye magar nigah mein apna waqar bhi

hai irtibaat mein bhi takalluf ki ek jhalak

ye kya ki ghairiyat bhi hai aur hum se pyar bhi

tere sabab KHizan ka tha mausam bhi KHush-gawar

be-lutf tere bin hai ye fasl-e-bahaar bhi

wo jis ki yaad ba'is-e-taskin-e-qalb hai

us ne hi mujh ko baKHsha hai ek intishaar bhi

aise bhi daur aae ta'alluq ki rah mein

rasm-e-ta'alluqat mein khinche hisar bhi

wa'da na aap karte agar iltifat ka

hargiz hamare dil ko na aata qarar bhi

ek din hawa-e-waqt ka badlega KHud mizaj

ummid rakh chhuTega ye gham ka ghubar bhi

daur-e-jadid par bhi ho she'ron mein tabsira

fikr-e-suKHan mein laiye ab kuchh nikhaar bhi

'ghaalib' ka rang aap ke she'ron se ho 'ayan

ghazlon mein rakhiye 'mir' ka 'shaariq' shi'ar bhi