tarz mere rizq ki thoDi badal jaane ke baad

tarz mere rizq kī thoḌī badal jaane ke ba.ad

ibtidā kartā huuñ din kī din ke Dhal jaane ke ba.ad

phir chalī jaatī hai dariyā kī khulī āġhosh meñ

mauj-e-sāhil par khaḌī do-pal machal jaane ke ba.ad

maiñ yuuñ hī us ko bhulā dene ke dhoke meñ rahā

dil hī meñ thā vo mire dil se nikal jaane ke ba.ad

kaam apnā muñh añdhere ḳhatm kar letī hai raat

ik siyāhī sub.h ke chehre pe mal jaane ke ba.ad

ghūmne phirne de us ko ik udāsī meñ abhī

ḳhud haqīqat jaan legā kuchh sambhal jaane ke ba.ad

mo.ajiza fan kā yahī hai aur yahī merā kamāl

phir se jī uThtā huuñ ik ātish meñ jal jaane ke ba.ad

rok rakkhā hai mujhe 'shāhīñ' zamistāñ ne kahīñ

chal paḌūñgā barf thoḌī sī pighal jaane ke ba.ad

tarz mere rizq ki thoDi badal jaane ke baad

ibtida karta hun din ki din ke Dhal jaane ke baad

phir chali jati hai dariya ki khuli aaghosh mein

mauj-e-sahil par khaDi do-pal machal jaane ke baad

main yun hi us ko bhula dene ke dhoke mein raha

dil hi mein tha wo mere dil se nikal jaane ke baad

kaam apna munh andhere KHatm kar leti hai raat

ek siyahi subh ke chehre pe mal jaane ke baad

ghumne phirne de us ko ek udasi mein abhi

KHud haqiqat jaan lega kuchh sambhal jaane ke baad

moajiza fan ka yahi hai aur yahi mera kamal

phir se ji uThta hun ek aatish mein jal jaane ke baad

rok rakkha hai mujhe 'shahin' zamistan ne kahin

chal paDunga barf thoDi si pighal jaane ke baad