tasawwur mein koi aaya sukun-e-qalb-o-jaan ho kar
tasavvur meñ koī aayā sukūn-e-qalb-o-jāñ ho kar
mohabbat muskurātī hai bahār-e-jāvedāñ ho kar
chaman meñ jab kabhī jaatā huuñ un kī yaad aatī hai
tamannā chuTkiyāñ letī hai pahlū meñ javāñ ho kar
dil-e-vahshat-asar ko hosh jab aayā to dekhā hai
havā ke dosh par uḌtā hai dāman dhajjiyāñ ho kar
sanobar sā hai qad nargis sī āñkheñ phuul sā chehra
vo mere sāmne phirte haiñ aksar gulsitāñ ho kar
sharāb-o-sher-o-naġhma ke sivā kyā chāhiye 'faizī'
balā se zindagī jaa.e matā-e-rā.egāñ ho kar
tasawwur mein koi aaya sukun-e-qalb-o-jaan ho kar
mohabbat muskuraati hai bahaar-e-jawedan ho kar
chaman mein jab kabhi jata hun un ki yaad aati hai
tamanna chuTkiyan leti hai pahlu mein jawan ho kar
dil-e-wahshat-asar ko hosh jab aaya to dekha hai
hawa ke dosh par uDta hai daman dhajjiyan ho kar
sanobar sa hai qad nargis si aankhen phul sa chehra
wo mere samne phirte hain aksar gulsitan ho kar
sharab-o-sher-o-naghma ke siwa kya chahiye 'faizi'
bala se zindagi jae mata-e-raegan ho kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
