tasbih-e-qumri sarw-e-sanobar sameT lo
tasbīh-e-qumrī sarv-e-sanobar sameT lo
jaanā hai is dayār se manzar sameT lo
parvāz-e-kāmyābī kī bas itnī shart hai
chāhat hisār-e-nafas ke andar sameT lo
us ashk kī taḌap ke muqābil meñ kuchh nahīñ
ab chāhe chashm-e-nam meñ samundar sameT lo
tāqat pe pahle apnī to raazī ḳhudā karo
phir bāzūoñ meñ tum dar-e-ḳhaibar sameT lo
merā makāñ nahīñ hai ḳhatā-bīñ ke vāste
aao magar mizāj ko bāhar sameT lo
'az.har' ye daur-e-aish hai yaañ jiine ke liye
āzurda zehn aur dil-e-muztar sameT lo
tasbih-e-qumri sarw-e-sanobar sameT lo
jaana hai is dayar se manzar sameT lo
parwaz-e-kaamyabi ki bas itni shart hai
chahat hisar-e-nafas ke andar sameT lo
us ashk ki taDap ke muqabil mein kuchh nahin
ab chahe chashm-e-nam mein samundar sameT lo
taqat pe pahle apni to raazi KHuda karo
phir bazuon mein tum dar-e-KHaibar sameT lo
mera makan nahin hai KHata-bin ke waste
aao magar mizaj ko bahar sameT lo
'azhar' ye daur-e-aish hai yan jine ke liye
aazurda zehn aur dil-e-muztar sameT lo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
