taswir ki thoDi si wazahat hi to ki hai

tasvīr kī thoḌī sī vazāhat hī to kī hai

har baat musavvir ne kahāñ ham se kahī hai

ho is ko miTāne meñ use kaisā ta.ammul

duniyā ye bhalā kaun sā mushkil se banī hai

mashkīza-e-hastī pe bahut tiir lage haiñ

aur chāroñ taraf tishna-labī tishna-labī hai

āġhāz bhī mujh se hai aur anjām bhī mujh par

duniyā mirī ham-‘umr hai chhoTī na baḌī hai

bas ek vo inkār purānā hai salāmat

baaqī to mire shahr meñ har chiiz na.ī hai

ik ḳhvāb thā terā jo mirī le gayā āñkheñ

ik yaad hai terī jo galā ghoñT rahī hai

bas she'r sunāne kī hameñ dī hai ijāzat

us ne hameñ rone kī suhūlat kahāñ dī hai

taswir ki thoDi si wazahat hi to ki hai

har baat musawwir ne kahan hum se kahi hai

ho is ko miTane mein use kaisa tammul

duniya ye bhala kaun sa mushkil se bani hai

mashkiza-e-hasti pe bahut tir lage hain

aur chaaron taraf tishna-labi tishna-labi hai

aaghaz bhi mujh se hai aur anjam bhi mujh par

duniya meri ham-‘umr hai chhoTi na baDi hai

bas ek wo inkar purana hai salamat

baqi to mere shahr mein har chiz nai hai

ek KHwab tha tera jo meri le gaya aankhen

ek yaad hai teri jo gala ghonT rahi hai

bas she'r sunane ki hamein di hai ijazat

us ne hamein rone ki suhulat kahan di hai