tauba-shikan KHumar tha umDe shabab ka

tauba-shikan ḳhumār thā umDe shabāb kā

phūloñ meñ jaise phuul shagufta gulāb kā

fankār ko salām shahanshāh kyoñ kare

zarroñ se vāsta hai kahāñ āftāb kā

gudḌī meñ phir lapeT ke laayā hai koī la.al

kyoñ be-hijāb ho gayā saudā hijāb kā

har sū fasādiyoñ ke havāle thiiñ bastiyāñ

mahshar bapā thā chaar sū qahr-o-azāb kā

qānūn par zavāl ki ġhusse meñ hai avaam

sho.ala bhaḌak na jaa.e kahīñ inqalāb kā

kyoñ ho rahe haiñ āg-bagūlā janāb-e-man

ham ne to mahz haal hī pūchhā janāb kā

'nayyar' kī har dalīl hai nā-qābil-e-qubūl

chheḌe na zikr koī gunāh-o-savāb kā

tauba-shikan KHumar tha umDe shabab ka

phulon mein jaise phul shagufta gulab ka

fankar ko salam shahanshah kyon kare

zarron se wasta hai kahan aaftab ka

gudDi mein phir lapeT ke laya hai koi lal

kyon be-hijab ho gaya sauda hijab ka

har su fasadiyon ke hawale thin bastiyan

mahshar bapa tha chaar su qahr-o-azab ka

qanun par zawal ki ghusse mein hai awam

shoala bhaDak na jae kahin inqalab ka

kyon ho rahe hain aag-bagula janab-e-man

hum ne to mahz haal hi puchha janab ka

'nayyar' ki har dalil hai na-qabil-e-qubul

chheDe na zikr koi gunah-o-sawab ka