taur bigDe hain nigah-e-husn-e-alamgir ke

taur bigḌe haiñ nigāh-e-husn-e-ālamgīr ke

kyūñki ab jauhar khule haiñ aah kī tāsīr ke

vo bhulā sakte nahīñ merī vafāoñ ko kabhī

naqsh hote haiñ diloñ par shoḳhi-e-tahrīr ke

kahkashāñ qaus-e-quzah gul najm ḳhurshīd-o-qamar

aks haiñ ye bhī tumhāre husn kī tanvīr ke

ab nahīñ samjhe to kab samjheñge taur-e-dard-e-dil

aise hī hote haiñ tevar maut kī tasvīr ke

ishq kī fitrat hī jab minjumla-e-āfāt hai

kis liye shikve kareñ ham kātib-e-taqdīr ke

kuchh tabassum bhī vahī hai kuchh takallum bhī vahī

paa.e haiñ andāz ġhunchoñ ne tirī ta.amīr ke

rā.egāñ jaatī rahī har ek koshish ishq meñ

past kar Daale ga.e sab hausle tadbīr ke

taur bigDe hain nigah-e-husn-e-alamgir ke

kyunki ab jauhar khule hain aah ki tasir ke

wo bhula sakte nahin meri wafaon ko kabhi

naqsh hote hain dilon par shoKHi-e-tahrir ke

kahkashan qaus-e-quzah gul najm KHurshid-o-qamar

aks hain ye bhi tumhaare husn ki tanwir ke

ab nahin samjhe to kab samjhenge taur-e-dard-e-dil

aise hi hote hain tewar maut ki taswir ke

ishq ki fitrat hi jab minjumla-e-afat hai

kis liye shikwe karen hum katib-e-taqdir ke

kuchh tabassum bhi wahi hai kuchh takallum bhi wahi

pae hain andaz ghunchon ne teri tamir ke

raegan jati rahi har ek koshish ishq mein

past kar Dale gae sab hausle tadbir ke