taur-e-duniya ke sath jaiyo mat

taur-e-duniyā ke saath jā.iyo mat

'ishq kiijo magar jatā.iyo mat

haiñ tamāshā.ī chāra-gar saare

zaḳhm dil ke unheñ dikhā.iyo mat

haañ yaqīnan qusūr merā hai

bār-e-ilzām tum uThā.iyo mat

daam Daale hai ḳhuub ye sayyād

dahr ke sho'bade meñ aa.iyo mat

rakhiyo nazreñ 'amal pe nāseh ke

kuchh kahe ye fareb khā.iyo mat

husn-e-zan rakhiyo apne logoñ se

dekhiyo suniyo āzmā.iyo mat

talḳhiyāñ dostī meñ gar hoñ 'zahīr'

talḳh lahja zabāñ pe lā.iyo mat

taur-e-duniya ke sath jaiyo mat

'ishq kijo magar jataiyo mat

hain tamashai chaara-gar sare

zaKHm dil ke unhen dikhaiyo mat

han yaqinan qusur mera hai

bar-e-ilzam tum uThaiyo mat

dam Dale hai KHub ye sayyaad

dahr ke sho'bade mein aaiyo mat

rakhiyo nazren 'amal pe naseh ke

kuchh kahe ye fareb khaiyo mat

husn-e-zan rakhiyo apne logon se

dekhiyo suniyo aazmaiyo mat

talKHiyan dosti mein gar hon 'zahir'

talKH lahja zaban pe laiyo mat