tawajjoh dete nahin hathon ki lakiron par

tavajjoh dete nahīñ hāthoñ kī lakīroñ par

ki ik buzurg kā saaya hai ham faqīroñ par

vahī buzurg batāte haiñ roz āḳhir-e-shab

koī pukārtā hai ham ko un jazīroñ par

unhīñ jazīroñ pe jā ke paḌhā thā ism koī

vo ism nuur sā chhāyā rahā zamīroñ par

zamīr jaagā to ham par khulā ki vaqt-e-‘azīz

tarah tarah se rahā mehrbāñ asīroñ par

kahāñ nasīb asīroñ ko ye asīrī bhī

ye lutf-e-ḳhās hai hazrat kā ham faqīroñ par

tawajjoh dete nahin hathon ki lakiron par

ki ek buzurg ka saya hai hum faqiron par

wahi buzurg batate hain roz aaKHir-e-shab

koi pukarta hai hum ko un jaziron par

unhin jaziron pe ja ke paDha tha ism koi

wo ism nur sa chhaya raha zamiron par

zamir jaga to hum par khula ki waqt-e-‘aziz

tarah tarah se raha mehrban asiron par

kahan nasib asiron ko ye asiri bhi

ye lutf-e-KHas hai hazrat ka hum faqiron par