tawajjoh kaun karta aur mohabbat kaun karta hai

tavajjoh kaun kartā aur mohabbat kaun kartā hai

na ho taufīq gar terī ibādat kaun kartā hai

lahū se qalb ke palkoñ kī zīnat kaun kartā hai

numā.ish ġham kī ham-rang-e-masarrat kaun kartā hai

ba-juz āshiq ke akkāsī-e-fitrat kaun kartā hai

ayaañ lab se mohabbat kī haqīqat kaun kartā hai

dil-e-sad-chāk ke ā.īne meñ duniyā nazar aa.e

kushāda is qadar āġhosh-e-fitrat kaun kartā hai

agar vo pher leñ muñh jin se ummīdeñ haiñ vābasta

hamāre haal par chashm-e-ināyat kaun kartā hai

na jaane kis jagah is vaqt hai gum-gashta-e-manzil

hamāre qāfile kī ab qayādat kaun kartā hai

vafūr-e-kaif-e-ġham meñ ashk bahnā baat hai fitrī

ḳhud apne ḳhūn-e-dil se aap nafrat kaun kartā hai

hamāre dil ko dard-e-ishq ne masnad banā Daalā

ki dil ke mā-sivā ab is kī izzat kaun kartā hai

tawajjoh kaun karta aur mohabbat kaun karta hai

na ho taufiq gar teri ibaadat kaun karta hai

lahu se qalb ke palkon ki zinat kaun karta hai

numaish gham ki ham-rang-e-masarrat kaun karta hai

ba-juz aashiq ke akkasi-e-fitrat kaun karta hai

ayan lab se mohabbat ki haqiqat kaun karta hai

dil-e-sad-chaak ke aaine mein duniya nazar aae

kushada is qadar aaghosh-e-fitrat kaun karta hai

agar wo pher len munh jin se ummiden hain wabasta

hamare haal par chashm-e-inayat kaun karta hai

na jaane kis jagah is waqt hai gum-gashta-e-manzil

hamare qafile ki ab qayaadat kaun karta hai

wafur-e-kaif-e-gham mein ashk bahna baat hai fitri

KHud apne KHun-e-dil se aap nafrat kaun karta hai

hamare dil ko dard-e-ishq ne masnad bana Dala

ki dil ke ma-siwa ab is ki izzat kaun karta hai