tawil hijr hai ek muKHtasar visal ke baad

tavīl hijr hai ik muḳhtasar visāl ke ba.ad

meñ aur ho gayā tanhā tire ḳhayāl ke ba.ad

tapish ik aur hai din kī harārtoñ ke sivā

safar ik aur hai sūraj tire zavāl ke ba.ad

kisī se rakhte kahāñ dushmanī kā rishta ham

lahū ko sard bhī honā thā ik ubaal ke ba.ad

jo toḌnā hai to dil is adā se toḌ mirā

koī malāl na ho mujh ko is malāl ke ba.ad

zarā bhī soch na paayā maiñ apne baare meñ

koī ḳhayāl na aayā tire ḳhayāl ke ba.ad

kahāñ ga.ī vo mohabbat ki jis ke saa.e meñ

lipaT ke ro.e the ham donoñ arz-e-hāl ke ba.ad

ye dil kī baat hai saudā-garī nahīñ yaaro

kisī ne kī hai mohabbat bhī dekh-bhāl ke ba.ad

'shakīl' band huā ham pe is kā darvāza

kabhī savāl se pahle kabhī savāl ke ba.ad

tawil hijr hai ek muKHtasar visal ke baad

mein aur ho gaya tanha tere KHayal ke baad

tapish ek aur hai din ki hararton ke siwa

safar ek aur hai suraj tere zawal ke baad

kisi se rakhte kahan dushmani ka rishta hum

lahu ko sard bhi hona tha ek ubaal ke baad

jo toDna hai to dil is ada se toD mera

koi malal na ho mujh ko is malal ke baad

zara bhi soch na paya main apne bare mein

koi KHayal na aaya tere KHayal ke baad

kahan gai wo mohabbat ki jis ke sae mein

lipaT ke roe the hum donon arz-e-haal ke baad

ye dil ki baat hai sauda-gari nahin yaro

kisi ne ki hai mohabbat bhi dekh-bhaal ke baad

'shakil' band hua hum pe is ka darwaza

kabhi sawal se pahle kabhi sawal ke baad