tera kya jata jo milta jam-e-rehani mujhe

terā kyā jaatā jo miltā jām-e-rehānī mujhe

mai ke badle sāqiyā tū ne diyā paanī mujhe

mai-gusārī meñ vo ab pahlī sī kaifiyyat nahīñ

de diyā saaqī ne kyā be-kaif sā paanī mujhe

ab kisī mashrūb se dil chain pā saktā nahīñ

kaash vo aa ke pilā de teġh kā paanī mujhe

de diyā saaqī ne bhar kar mujh ko bhī jām-e-sharāb

maiñ to kahtā hī rahā paanī mujhe paanī mujhe

us ko jānūñ yaar muḳhlis us ko mānūñ ġham-gusār

jo pilā de rañj meñ kulfat-rubā paanī mujhe

chal paḌīñ sāñseñ dhaḌakne lag ga.iiñ nabz-e-hayāt

kyā kisī ne de diyā añgūr kā paanī mujhe

vo tap-e-ġham hai ki sūkhe haiñ lab-o-kām-o-dahan

kaash aa kar vo pilā.eñ diid kā paanī mujhe

pī rahā huuñ shauq se ai 'rāz' jis ko aaj tak

ek din āḳhir Dubo degā vahī paanī mujhe

tera kya jata jo milta jam-e-rehani mujhe

mai ke badle saqiya tu ne diya pani mujhe

mai-gusari mein wo ab pahli si kaifiyyat nahin

de diya saqi ne kya be-kaif sa pani mujhe

ab kisi mashrub se dil chain pa sakta nahin

kash wo aa ke pila de tegh ka pani mujhe

de diya saqi ne bhar kar mujh ko bhi jam-e-sharab

main to kahta hi raha pani mujhe pani mujhe

us ko jaanun yar muKHlis us ko manun gham-gusar

jo pila de ranj mein kulfat-ruba pani mujhe

chal paDin sansen dhaDakne lag gain nabz-e-hayat

kya kisi ne de diya angur ka pani mujhe

wo tap-e-gham hai ki sukhe hain lab-o-kaam-o-dahan

kash aa kar wo pilaen did ka pani mujhe

pi raha hun shauq se ai 'raaz' jis ko aaj tak

ek din aaKHir Dubo dega wahi pani mujhe