tera ye husn-e-be-karan muqayyad zaman hai

terā ye husn-e-be-karāñ muqayyad zamān hai

magar tujhe ai zindagī kahāñ koī gumān hai

nishān kho gayā meñ apne aap apne aap kā

jahāñ koī ho be-nishāñ vahīñ merā nishān hai

na dekh ai is is tarāsh-tīr ko

zarā ye dekh aa ki kis ke haath meñ kamān hai

ye dāvat-e-jihād be-mahal nahīñ hai ai zamīñ

kisī faqīr be-hunar kā āḳhirī bayān hai

maiñ rahrav-e-sirāt-e-rāhzan thā thoḌī der ko

samajh rahā thā maiñ merī na aañkh hai na kaan hai

merī navā-e-aman be-navā nahīñ hai ai falak

abhī bhī jism-e-nā-tavāñ meñ bolne kī jaan hai

safoñ meñ sāma.īn ke jo to bhī aa gayā to sun

terī bisāt-e-justujū kā aaj imtihān hai

tera ye husn-e-be-karan muqayyad zaman hai

magar tujhe ai zindagi kahan koi guman hai

nishan kho gaya mein apne aap apne aap ka

jahan koi ho be-nishan wahin mera nishan hai

na dekh ai is is tarash-tir ko

zara ye dekh aa ki kis ke hath mein kaman hai

ye dawat-e-jihad be-mahal nahin hai ai zamin

kisi faqir be-hunar ka aaKHiri bayan hai

main rahraw-e-siraat-e-rahzan tha thoDi der ko

samajh raha tha main meri na aankh hai na kan hai

meri nawa-e-aman be-nawa nahin hai ai falak

abhi bhi jism-e-na-tawan mein bolne ki jaan hai

safon mein samain ke jo to bhi aa gaya to sun

teri bisat-e-justuju ka aaj imtihan hai