tere andaz-o-naz mein kya hai

tere andāz-o-nāz meñ kyā hai

lutf rāz-o-niyāz meñ kyā hai

sajda karte haiñ ham bhī but ko aur

shaiḳh sāhib namāz meñ kyā hai

us ko manhūs kahte haiñ kyoñ log

charḳh-e-gardūñ-farāz meñ kyā hai

saare rindoñ se vo nirālī baat

zāhid-e-pāk-bāz meñ kyā hai

ham se pūchho tum us ko kyā jaano

lutf soz-o-gudāz meñ kyā hai

kuchh na samjhe ye rah-ravān-e-adam

is nasheb-o-farāz meñ kyā hai

but-parastoñ kā ek jamghaT hai

is se baḌh kar hijāz meñ kyā hai

mai to ik manfa.at kī chiiz hai shaiḳh

uzr is ke javāz meñ kyā hai

hai haqīqat meñ kaun sā vo lutf

aur zāhid majāz meñ kyā hai

tum to kahte the dil meñ kyā jānūñ

aur ye zulf-e-darāz meñ kyā hai

charḳh se pūchho to 'fahīm' tire

ab dil-e-kīna-sāz meñ kyā hai

tere andaz-o-naz mein kya hai

lutf raaz-o-niyaz mein kya hai

sajda karte hain hum bhi but ko aur

shaiKH sahib namaz mein kya hai

us ko manhus kahte hain kyon log

charKH-e-gardun-faraaz mein kya hai

sare rindon se wo nirali baat

zahid-e-pak-baz mein kya hai

hum se puchho tum us ko kya jaano

lutf soz-o-gudaz mein kya hai

kuchh na samjhe ye rah-rawan-e-adam

is nasheb-o-faraaz mein kya hai

but-paraston ka ek jamghaT hai

is se baDh kar hijaz mein kya hai

mai to ek manfat ki chiz hai shaiKH

uzr is ke jawaz mein kya hai

hai haqiqat mein kaun sa wo lutf

aur zahid majaz mein kya hai

tum to kahte the dil mein kya jaanun

aur ye zulf-e-daraaz mein kya hai

charKH se puchho to 'fahim' tere

ab dil-e-kina-saz mein kya hai