tere diwane ka hosh mein aana Thik nahin

tere dīvāne kā hosh meñ aanā Thiik nahīñ

log vagarna samjheñge mai-ḳhāna Thiik nahīñ

aañkh milāo ḳhvāb se lekin itnā yaad rahe

ik patthar kā shīshe se Takrānā Thiik nahīñ

sar meñ saudā hai saudā.ī dasht kī had meñ rah

is hālat meñ shahr kī jānib jaanā Thiik nahīñ

dīvāroñ kā khiḌkī se yārāna hotā hai

in ko apne dil kī baat batānā Thiik nahīñ

is ko halke bhārī kā bhī farq nahīñ ma.alūm

paimāne ko Thiik karo paimāna Thiik nahīñ

ab to mushkil mushkil meñ hī Daale rakkhegī

kahtā thā naañ mushkil meñ ghabrānā Thiik nahīñ

'arshad' aaj vo puurī tayyārī se aa.egā

dekho aaj tumhārā bāhar jaanā Thiik nahīñ

tere diwane ka hosh mein aana Thik nahin

log wagarna samjhenge mai-KHana Thik nahin

aankh milao KHwab se lekin itna yaad rahe

ek patthar ka shishe se Takrana Thik nahin

sar mein sauda hai saudai dasht ki had mein rah

is haalat mein shahr ki jaanib jaana Thik nahin

diwaron ka khiDki se yarana hota hai

in ko apne dil ki baat batana Thik nahin

is ko halke bhaari ka bhi farq nahin malum

paimane ko Thik karo paimana Thik nahin

ab to mushkil mushkil mein hi Dale rakkhegi

kahta tha nan mushkil mein ghabrana Thik nahin

'arshad' aaj wo puri tayyari se aaega

dekho aaj tumhaara bahar jaana Thik nahin