tere husn ki KHair bana de ek din ka sultan mujhe

tere husn kī ḳhair banā de ik din kā sultān mujhe

āñkhoñ ko bas dekhne de aur hoñToñ se pahchān mujhe

vasl meñ us ke mar jaane kī hasrat mere dil meñ hai

aur bichhaḌ kar jiine kā bhī baaqī hai armān mujhe

ḳhuun ragoñ meñ ruk jā.egā lekin saañs na ukhḌegī

kis ko bhuul ke ḳhush baiThā huuñ jab aa.egā dhyān mujhe

maiñ huuñ ek aur biis sadī kā merī maañg malañgoñ sī

har ik pal kī ḳhabar bhī de aur barsoñ kā sāmān mujhe

kaise phuul aur kaun se kāñTe yaad kī jholī ḳhālī hai

ab to 'tasavvur' lagne lagā hai vīrāna vīrān mujhe

tere husn ki KHair bana de ek din ka sultan mujhe

aankhon ko bas dekhne de aur honTon se pahchan mujhe

wasl mein us ke mar jaane ki hasrat mere dil mein hai

aur bichhaD kar jine ka bhi baqi hai arman mujhe

KHun ragon mein ruk jaega lekin sans na ukhDegi

kis ko bhul ke KHush baiTha hun jab aaega dhyan mujhe

main hun ek aur bis sadi ka meri mang malangon si

har ek pal ki KHabar bhi de aur barson ka saman mujhe

kaise phul aur kaun se kanTe yaad ki jholi KHali hai

ab to 'tasawwur' lagne laga hai virana viran mujhe