tere KHayal se yun sajai tamam raat

tere ḳhayāl se yuuñ sajā.ī tamām raat

ik but ko dekhne meñ bitā.ī tamām raat

vo ajnabī thā sub.h ye mālūm ho gayā

tasvīr jis kī ham ne banā.ī tamām raat

jaane maiñ kis qafas ke ḳhayāloñ meñ qaid thā

dīvār apne ghar kī jalā.ī tamām raat

zinda rahegā josh gulāboñ meñ is liye

ik dastān-e-sham.a sunā.ī tamām raat

ham muskurā ke sab se savere mile magar

siine meñ ham ne kaise chhupā.ī tamām raat

tere ḳhayāl-o-ḳhvāb meñ aate magar kabhī

detī nahīñ hai ham ko rihā.ī tamām raat

sannāTā is qadar thā ki har shāḳh har kalī

jhuk jhuk ke māñgtī thī duhā.ī tamām raat

'rāsiḳh' havā ne shāḳh se patte girā diye

aur yaad sab kahānī dilā.ī tamām raat

tere KHayal se yun sajai tamam raat

ek but ko dekhne mein bitai tamam raat

wo ajnabi tha subh ye malum ho gaya

taswir jis ki hum ne banai tamam raat

jaane main kis qafas ke KHayalon mein qaid tha

diwar apne ghar ki jalai tamam raat

zinda rahega josh gulabon mein is liye

ek dastan-e-shama sunai tamam raat

hum muskura ke sab se sawere mile magar

sine mein hum ne kaise chhupai tamam raat

tere KHayal-o-KHwab mein aate magar kabhi

deti nahin hai hum ko rihai tamam raat

sannaTa is qadar tha ki har shaKH har kali

jhuk jhuk ke mangti thi duhai tamam raat

'rasiKH' hawa ne shaKH se patte gira diye

aur yaad sab kahani dilai tamam raat