teri baaton ka ras udasi hai
terī bātoñ kā ras udāsī hai
mere dāman meñ bas udāsī hai
dūsrā jism hai ye miTTī kā
merā pahlā qafas udāsī hai
dhaḌkaneñ kārvāñ ḳharāboñ kā
un kī har ik jaras udāsī hai
muzmahil huuñ baḌe dinoñ se maiñ
mujh ko bāñhoñ meñ kas udāsī hai
ibn-e-ādam ke ġham batāte haiñ
kaisī kohna-nafas udāsī hai
kyā dikhātā kisī masīhā ko
maiñ to samjhā thā bas udāsī hai
din ḳhushī ke nikāl kar dekhe
umr kā har baras udāsī hai
dil kā 'aḳhtar' mazār siine meñ
ġham hai gumbad kalas udāsī hai
teri baaton ka ras udasi hai
mere daman mein bas udasi hai
dusra jism hai ye miTTi ka
mera pahla qafas udasi hai
dhaDkanen karwan KHarabon ka
un ki har ek jaras udasi hai
muzmahil hun baDe dinon se main
mujh ko banhon mein kas udasi hai
ibn-e-adam ke gham batate hain
kaisi kohna-nafas udasi hai
kya dikhata kisi masiha ko
main to samjha tha bas udasi hai
din KHushi ke nikal kar dekhe
umr ka har baras udasi hai
dil ka 'aKHtar' mazar sine mein
gham hai gumbad kalas udasi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
