teri duniya mein nahin rahta tha

terī duniyā meñ nahīñ rahtā thā

phir bhī maiñ tujh meñ kahīñ rahtā thā

tujh ko ākāsh banātā thā maiñ

aur maiñ ban ke zamīñ rahtā thā

chāñd taare the tirī zulfoñ meñ

maiñ bhī bādal sā vahīñ rahtā thā

ye jo vīrān sī āñkheñ haiñ tirī

maiñ bahut pahle yahīñ rahtā thā

'ishq thā sajde meñ to dil hī nahīñ

zehn bhī zer-e-jabīñ rahtā thā

kitne mazbūt the nāzuk rishte

jab mohabbat meñ yaqīñ rahtā thā

jab koī aañkh na thī duniyā meñ

tab bhī vo parda-nashīñ rahtā thā

us se ik baar gale mil ke 'shakīl'

maiñ ka.ī roz hasīñ rahtā thā

teri duniya mein nahin rahta tha

phir bhi main tujh mein kahin rahta tha

tujh ko aakash banata tha main

aur main ban ke zamin rahta tha

chand tare the teri zulfon mein

main bhi baadal sa wahin rahta tha

ye jo viran si aankhen hain teri

main bahut pahle yahin rahta tha

'ishq tha sajde mein to dil hi nahin

zehn bhi zer-e-jabin rahta tha

kitne mazbut the nazuk rishte

jab mohabbat mein yaqin rahta tha

jab koi aankh na thi duniya mein

tab bhi wo parda-nashin rahta tha

us se ek bar gale mil ke 'shakil'

main kai roz hasin rahta tha