teri nazar ke samne ye dil nahin raha
terī nazar ke sāmne ye dil nahīñ rahā
ā.īna aa.ine ke muqābil nahīñ rahā
achchhā huā ki vaqt se pahle bichhaḌ gayā
barbādiyoñ meñ tū mirī shāmil nahīñ rahā
mujh ko samajh rahā thā jo maazī kī ik kitāb
vo bhī na.e nisāb meñ shāmil nahīñ rahā
lauT aa.iiñ phir se kashtiyāñ tūfāñ se haar kar
vīrāñ bahut dinoñ mirā sāhil nahīñ rahā
munsif kī uñgliyoñ ke nishāñ ḳhanjaroñ pe haiñ
ab koī apne shahr meñ qātil nahīñ rahā
har ik qadam pe rakkhā hai dil kā bahut ḳhayāl
us kī taraf se meñ kabhī ġhāfil nahīñ rahā
raqsāñ hai chāra-gar ke ishāroñ pe āj-kal
ab dil bhī e'tibār ke qābil nahīñ rahā
teri nazar ke samne ye dil nahin raha
aaina aaine ke muqabil nahin raha
achchha hua ki waqt se pahle bichhaD gaya
barbaadiyon mein tu meri shamil nahin raha
mujh ko samajh raha tha jo mazi ki ek kitab
wo bhi nae nisab mein shamil nahin raha
lauT aain phir se kashtiyan tufan se haar kar
viran bahut dinon mera sahil nahin raha
munsif ki ungliyon ke nishan KHanjaron pe hain
ab koi apne shahr mein qatil nahin raha
har ek qadam pe rakkha hai dil ka bahut KHayal
us ki taraf se mein kabhi ghafil nahin raha
raqsan hai chaara-gar ke ishaaron pe aaj-kal
ab dil bhi e'tibar ke qabil nahin raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
