teri nazron se yar utar jaun

terī nazroñ se yaar utar jā.ūñ

is se behtar ye hai ki mar jā.ūñ

maiñ bhī ab kyā karūñ ai mere raqīb

merī fitrat nahīñ ki Dar jā.ūñ

gar tū dastār maañg le mujh se

tere qadmoñ meñ de ke sar jā.ūñ

phir koī aur hī banūñ āḳhir

TuuT jā.ūñ to is qadar jā.ūñ

tū bhī be-shak nazar ghumā lenā

maiñ agar pher kar nazar jā.ūñ

tū mujhe chhoḌ kar nahīñ jaanā

maiñ tujhe chhoḌ kar agar jā.ūñ

upar upar to paar jā na sakā

sochtā huuñ bhañvar bhañvar jā.ūñ

haath ḳhālī haiñ chashm tar hai merī

ab tū hī bol kaise ghar jā.ūñ

yuuñ mo.attar karūñ fazā 'nāyāb'

ḳhushbuoñ kī tarah bikhar jā.ūñ

teri nazron se yar utar jaun

is se behtar ye hai ki mar jaun

main bhi ab kya karun ai mere raqib

meri fitrat nahin ki Dar jaun

gar tu dastar mang le mujh se

tere qadmon mein de ke sar jaun

phir koi aur hi banun aaKHir

TuT jaun to is qadar jaun

tu bhi be-shak nazar ghuma lena

main agar pher kar nazar jaun

tu mujhe chhoD kar nahin jaana

main tujhe chhoD kar agar jaun

upar upar to par ja na saka

sochta hun bhanwar bhanwar jaun

hath KHali hain chashm tar hai meri

ab tu hi bol kaise ghar jaun

yun moattar karun faza 'nayab'

KHushbuon ki tarah bikhar jaun