teri nigah-e-lutf bhi nakaam hi na ho

terī nigāh-e-lutf bhī nākām hī na ho

dil to vo zaḳhm hai jise ārām hī na ho

chauñkā huuñ nīm-shab bhī yahī soch soch kar

vo āftāb ab bhī lab-e-bām hī na ho

tum jis ko jānte ho faqat apnī tab-e-ḳhās

vo rañj vo fasurda-dilī aam hī na ho

āhista is larazte hue pul pe rakh qadam

sadiyoñ kā inhidām tire naam hī na ho

ai dil mafar to kār-e-jahāñ se nahīñ magar

itnā to kar ki is meñ subuk-gām hī na ho

dastak sī de rahī hai darīche pe bād-e-sub.h

ai mahv-e-ḳhvāb sun koī paiġhām hī na ho

'ḳhurshīd' tū ne kaise nibhā.īñ ye uzlateñ

jaise tujhe kisī se koī kaam hī na ho

teri nigah-e-lutf bhi nakaam hi na ho

dil to wo zaKHm hai jise aaram hi na ho

chaunka hun nim-shab bhi yahi soch soch kar

wo aaftab ab bhi lab-e-baam hi na ho

tum jis ko jaante ho faqat apni tab-e-KHas

wo ranj wo fasurda-dili aam hi na ho

aahista is larazte hue pul pe rakh qadam

sadiyon ka inhidam tere nam hi na ho

ai dil mafar to kar-e-jahan se nahin magar

itna to kar ki is mein subuk-gam hi na ho

dastak si de rahi hai dariche pe baad-e-subh

ai mahw-e-KHwab sun koi paigham hi na ho

'KHurshid' tu ne kaise nibhain ye uzlaten

jaise tujhe kisi se koi kaam hi na ho