teri parchhain ko ab dhup dikhani hai mujhe

terī parchhā.īñ ko ab dhuup dikhānī hai mujhe

is liye ḳhvāb kī dīvār girānī hai mujhe

hasratoñ kā abhī lobān sulag jaa.e zarā

phir dhueñ par terī tasvīr banānī hai mujhe

dhīme lahje meñ bahut chīḳh liyā hai maiñ ne

ab to āvāz kī raftār baḌhānī hai mujhe

jo muqaddar meñ likhā hai vo mayassar hai magar

āḳhirī baar vo zanjīr hilānī hai mujhe

kaash is baar maiñ dariyāoñ se zinda lauTūñ

kyūñki ye ḳhaak to miTTī meñ dabānī hai mujhe

jis kā kirdār hai dar-asl kahānī merī

ab to darkār vahī asl kahānī hai mujhe

teri parchhain ko ab dhup dikhani hai mujhe

is liye KHwab ki diwar girani hai mujhe

hasraton ka abhi loban sulag jae zara

phir dhuen par teri taswir banani hai mujhe

dhime lahje mein bahut chiKH liya hai main ne

ab to aawaz ki raftar baDhani hai mujhe

jo muqaddar mein likha hai wo mayassar hai magar

aaKHiri bar wo zanjir hilani hai mujhe

kash is bar main dariyaon se zinda lauTun

kyunki ye KHak to miTTi mein dabani hai mujhe

jis ka kirdar hai dar-asl kahani meri

ab to darkar wahi asl kahani hai mujhe