teri to baat baat se hai mujhko iKHtilaf

terī to baat baat se hai mujh ko iḳhtilāf

har baat meñ sabāt se hai mujh ko iḳhtilāf

tere karam se aatī hai badle kī bū mujhe

so in muāmlāt se hai mujh ko iḳhtilāf

baiThe hoñ jis kī ghaat meñ saare gunāhgār

aisī añdherī raat se hai mujh ko iḳhtilāf

ho jin meñ darja-bandī amīr-o-ġharīb kī

aise ta.alluqāt se hai mujh ko iḳhtilāf

har chaal meñ hī maat ho 'gul' mere shaah kī

aisī bichhī bisāt se hai mujh ko iḳhtilāf

teri to baat baat se hai mujh ko iKHtilaf

har baat mein sabaat se hai mujh ko iKHtilaf

tere karam se aati hai badle ki bu mujhe

so in muamlat se hai mujh ko iKHtilaf

baiThe hon jis ki ghat mein sare gunahgar

aisi andheri raat se hai mujh ko iKHtilaf

ho jin mein darja-bandi amir-o-gharib ki

aise talluqat se hai mujh ko iKHtilaf

har chaal mein hi mat ho 'gul' mere shah ki

aisi bichhi bisat se hai mujh ko iKHtilaf