teri zimmadariyon se bhagna mumkin nahin

terī zimmadāriyoñ se bhāgnā mumkin nahīñ

tujh meñ maiñ yā mujh meñ tū ye jānñā mumkin nahīñ

dil ke darvāze pe us ke dastakeñ dete raho

kaise rahtā hai vo phir nā-āshnā mumkin nahīñ

ho ga.ī hai kaisī duniyā dekh mere dost aaj

hai parāyā kaun apnā jānñā mumkin nahīñ

kitnī bhī paḌh lo kitābeñ kitne bhī da.ave karo

phir bhī is duniyā meñ sab kuchh jānñā mumkin nahīñ

maiñ ne kar liiñ itnī ūñchī ghar kī dīvāreñ ki ab

aise vaisoñ kā mire ghar jhāñknā mumkin nahīñ

kaun kahtā hai ki maz.hab ne laḌāyā hai hameñ

aur tum kuchh bhī kaho ye jānñā mumkin nahīñ

is qadar tum gir ga.e apnī hī nazroñ se 'sujīt'

kah rahe ho aa.ine kā sāmnā mumkin nahīñ

teri zimmadariyon se bhagna mumkin nahin

tujh mein main ya mujh mein tu ye jaanna mumkin nahin

dil ke darwaze pe us ke dastaken dete raho

kaise rahta hai wo phir na-ashna mumkin nahin

ho gai hai kaisi duniya dekh mere dost aaj

hai paraya kaun apna jaanna mumkin nahin

kitni bhi paDh lo kitaben kitne bhi dawe karo

phir bhi is duniya mein sab kuchh jaanna mumkin nahin

main ne kar lin itni unchi ghar ki diwaren ki ab

aise waison ka mere ghar jhankna mumkin nahin

kaun kahta hai ki mazhab ne laDaya hai hamein

aur tum kuchh bhi kaho ye jaanna mumkin nahin

is qadar tum gir gae apni hi nazron se 'sujit'

kah rahe ho aaine ka samna mumkin nahin