tez-ro lahr ki rawani mein
tez-ro lahr kī ravānī meñ
bah ga.e ḳhvāb saare paanī meñ
jo musannif ko maar baiThā hai
ab bhī zinda hai is kahānī meñ
sirf insān hī nahīñ marte
dil bhī martā hai nā-gahānī meñ
kirchiyāñ chun rahī huuñ aaj talak
ḳhvāb dekhā thā ik javānī meñ
saare mausam ḳhizāñ ke hote haiñ
TuuTe ḳhvāboñ kī bāġhbānī meñ
raat pāgal hī ho na jaa.e kahīñ
chāñdnī ghul rahī hai paanī meñ
tum kabhī rūThnā nahīñ mujh se
kuchh bhī kahtī rahūñ ravānī meñ
hijr āñkhoñ meñ aise utrā hai
ban ga.ī lahr jaise paanī meñ
ek sau ek dard jhele haiñ
ik abhāgan ne ik kahānī meñ
tez-ro lahr ki rawani mein
bah gae KHwab sare pani mein
jo musannif ko mar baiTha hai
ab bhi zinda hai is kahani mein
sirf insan hi nahin marte
dil bhi marta hai na-gahani mein
kirchiyan chun rahi hun aaj talak
KHwab dekha tha ek jawani mein
sare mausam KHizan ke hote hain
TuTe KHwabon ki baghbani mein
raat pagal hi ho na jae kahin
chandni ghul rahi hai pani mein
tum kabhi ruThna nahin mujh se
kuchh bhi kahti rahun rawani mein
hijr aankhon mein aise utra hai
ban gai lahr jaise pani mein
ek sau ek dard jhele hain
ek abhagan ne ek kahani mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
