tha asiron mein qayamat ka numayan hona

thā asīroñ meñ qayāmat kā numāyāñ honā

fasl-e-gul meñ vo mirā dāḳhil-e-zindāñ honā

haa.e ulfat meñ mirā be-sar-o-sāmāñ honā

chāk-dil chāk-jigar chāk-garebāñ honā

tum mire baa'd nadāmat se pashemāñ honā

haath malnā kabhī angusht-ba-dandāñ honā

sūrat-e-aish meñ āfāt-e-jahāñ muzmar haiñ

gul kā khilnā hai haqīqat meñ pareshāñ honā

raham aaya na butoñ ko kabhī allāh allāh

dekh kar ḳhāna-e-dil kā mire vīrāñ honā

na huā dard-e-mohabbat kā mudāvā na huā

kaam aaya na tirī aisī daurāñ honā

muskurā de ki sar-e-qabr baras jaa.eñ phuul

ik jahāñ dekh le sahrā kā gulistāñ honā

ho taraqqī-e-sitam dast-e-junūñ meñ yā-rab

mere dāman ko mubārak ho garebāñ honā

ho sake tum se to ab sabr karo ai 'mas.ūd'

dil kī taqdīr meñ likkhā thā pareshāñ honā

tha asiron mein qayamat ka numayan hona

fasl-e-gul mein wo mera daKHil-e-zindan hona

hae ulfat mein mera be-sar-o-saman hona

chaak-dil chaak-jigar chaak-gareban hona

tum mere ba'd nadamat se pasheman hona

hath malna kabhi angusht-ba-dandan hona

surat-e-aish mein aafat-e-jahan muzmar hain

gul ka khilna hai haqiqat mein pareshan hona

raham aaya na buton ko kabhi allah allah

dekh kar KHana-e-dil ka mere viran hona

na hua dard-e-mohabbat ka mudawa na hua

kaam aaya na teri aisi dauran hona

muskura de ki sar-e-qabr baras jaen phul

ek jahan dekh le sahra ka gulistan hona

ho taraqqi-e-sitam dast-e-junun mein ya-rab

mere daman ko mubarak ho gareban hona

ho sake tum se to ab sabr karo ai 'masud'

dil ki taqdir mein likkha tha pareshan hona