tha band wo dar phir bhi main sau bar gaya tha

thā band vo dar phir bhī maiñ sau baar gayā thā

mānind havā phāñd ke dīvār gayā thā

phirtā huuñ maiñ be-dil mirā dil kyuuñ nahīñ dete

kyā tum se juā khel ke maiñ haar gayā thā

saude ko na pūchh aayā thā tū naaz se jis din

gesū tirā us din mire sar maar gayā thā

dil se na sahī aa.e to mayyat pe vo āḳhir

aate na to marnā mirā bekār gayā thā

ḳhud maiñ ne jatāyā hai use hashr kā maidāñ

mash.had hī se maiñ us kā taraf-dār gayā thā

barchhā thā ki tiir apnī nazar se ye zarā pūchh

siine meñ kuchh is paar se us paar gayā thā

majbūr huā vo jo paḌā zulf kā phandā

'shauq' us ke vahāñ ho ke giraftār gayā thā

tha band wo dar phir bhi main sau bar gaya tha

manind hawa phand ke diwar gaya tha

phirta hun main be-dil mera dil kyun nahin dete

kya tum se jua khel ke main haar gaya tha

saude ko na puchh aaya tha tu naz se jis din

gesu tera us din mere sar mar gaya tha

dil se na sahi aae to mayyat pe wo aaKHir

aate na to marna mera bekar gaya tha

KHud main ne jataya hai use hashr ka maidan

mashhad hi se main us ka taraf-dar gaya tha

barchha tha ki tir apni nazar se ye zara puchh

sine mein kuchh is par se us par gaya tha

majbur hua wo jo paDa zulf ka phanda

'shauq' us ke wahan ho ke giraftar gaya tha