tha ek saya sa pichhe pichhe jo muD ke dekha to kuchh nahin tha

thā ek saaya sā pīchhe pīchhe jo muḌ ke dekhā to kuchh nahīñ thā

ab apnī sūrat ko dekhtā huuñ kabhī jo sad-paikar-āfrīñ thā

vo phir bhī jaañ se azīz-tar thā tabī.ateñ go judā judā thiiñ

agarche ham-zād bhī nahīñ thā vo merā ham-shakl bhī nahīñ thā

maiñ ruk sakūñgā Thahar sakūñgā thakan safar kī miTā sakūñgā

kahīñ to koī shajar milegā tamām raste yahī yaqīñ thā

ka.ī chaTāneñ gudāz jismoñ meñ apnī garmī se Dhal ga.ī thiiñ

butoñ ke qisse meñ tesha-kāroñ kā tazkira bhī kahīñ kahīñ thā

na jaane kyā dhuñd darmiyāñ thī ki kohkan kī nazar na pahuñchī

jahāñ se phūTā thā chashma-e-māh-shab kā patthar bhī to vahīñ thā

maiñ apnī āvāz ke ta.āqub meñ māvarā-e-nazar bhī pahuñchā

magar palaT kar na us ne pūchhā ki maiñ ḳhalā ke bahut qarīñ thā

vahī manāzir luTe luTe se vahī shikasta makān 'aḳhtar'

maiñ roz-marra ke rāste se jo ghar meñ pahuñchā bahut hazīñ thā

tha ek saya sa pichhe pichhe jo muD ke dekha to kuchh nahin tha

ab apni surat ko dekhta hun kabhi jo sad-paikar-afrin tha

wo phir bhi jaan se aziz-tar tha tabiaten go juda juda thin

agarche ham-zad bhi nahin tha wo mera ham-shakl bhi nahin tha

main ruk sakunga Thahar sakunga thakan safar ki miTa sakunga

kahin to koi shajar milega tamam raste yahi yaqin tha

kai chaTanen gudaz jismon mein apni garmi se Dhal gai thin

buton ke qisse mein tesha-karon ka tazkira bhi kahin kahin tha

na jaane kya dhund darmiyan thi ki kohkan ki nazar na pahunchi

jahan se phuTa tha chashma-e-mah-shab ka patthar bhi to wahin tha

main apni aawaz ke taaqub mein mawara-e-nazar bhi pahuncha

magar palaT kar na us ne puchha ki main KHala ke bahut qarin tha

wahi manazir luTe luTe se wahi shikasta makan 'aKHtar'

main roz-marra ke raste se jo ghar mein pahuncha bahut hazin tha